Rusiyalı xilasedicilər Yapon dənizində itən "Vostok” (Şərq) gəmisinin axtarışı üzrə əməliyyatlar çərçivəsində 7,2 min kvadrat kilometrdə araşdırma aparıb. AzVision.az xəbər verir ki, bu barədə Rusiya FHN-nin Primorsk diyarının Baş İdarəsi məlumat yayıb.
"Bu ərazidən 5825 kvadrat kilometri aviasiya, 1461 kvadrat kilometri isə gəmilər vasitəsilə aparılıb”, - deyə məlumatda bildirilir.
Qeyd edək ki, Rusiyaya məxsus "Vostok" balıqçı gəmisi Yapon dənizinin Primorski vilayəti sahillərində yoxa çıxıb. Gəminin göyərtəsində 21 nəfər olub. İtkin düşən şəxslərdən ikisi Rusiya vətəndaşı olan azərbaycanlı matros Mübariz Hüseynov və Ruslan Əlizadədir.
www.anews.az
Bizi sosial şəbəkələrdə izləyin !
