"Düşünürəm ki, Zürix qarşılaşmasının təkrarı olacaq. Sona qədər dözə bilən, tab gətirə bilən, xarakter göstərə bilən və təcrübəsi olan komanda qalib gələcək.Başqa bir pozitiv məsələ ondan ibarətdir ki, Qurban Qurbanov özü də həm hava limanında oyun qabağı açıqlamasında,həm digər açıqlamalarında bir növ etiraf edir ki, biz ilk oyunda rəqibi tanıdıq. Cavab oyununa da ona uyğun hazırlaşıblar, ona uyğun analizlər aparıblar. Rəqibin boşluqlarını, zəyif tərəflərini çox yaxşı bilirlər", - Azər İsmayıl bildirib. 

Bununla bərabər şərhçi söyləyib ki,  Maksim Medvedevin yoxluğu komanda üçün ciddi problem olsa da, Kadi Borgesin qayıdışı öz sözünü deyəcək. 

"Yaxşı bir üstünlüyümüz var. Kadi Borgesin qayıtmağı öz sözün deyəcək.Bu həlledici məsələlərdən biridir”,  - o vurğulayıb. 

Komanda heyət seçimi ilə bağlı Azər İsmayıl bildirib ki, Zubir, Kadi və Ramil üçlüyü çox idealdır. 

"Zubir soldan, Kadi mərkəzdən, Ramil də sağdan istədiyini edəcək.Bu üçlü hər üç nöqtədə boşluqar tapa bilir, rəqibi təzyiqdə saxlaya bilir, rəqibi səhv buraxmağa məcbur edə bilir”. 

Qarabaq üçün qorxulu məqamlara toxununan Azər İsmayıl rəqibin əlinə düşən fürsəti yaxşı dəyərləndirə biləcəyini də bildirib. 

"Müdafiəmiz o qədər də ideal deyil. Rəqib əlinə düşən fürsətdən çox yaxşı yararlanır. Maksimin yoxluğunun nə qədər ciddi problem olduğunu Bakı qarşılaşmasında gördük.Rəqib hava toplarında yaxşıdır. Bir az şansımız olsa matcı götürə bilərik”. 

Qarabağın iki əsəs mərkəz müdafiəçisi-Maksim Medvedev və Kevin Medina zədə səbəbindən bu matçı buraxmaq məcburiyyətində qalacaqlar. 

Ferencvaros klubunda isə Henri Vinqo cavab oyununa çıxmayacaq.Bu barədə Budapeşt təmsilçisinin baş məşqçisi Stanislav Çerçesov açıqlama verib.Rusiyalı mütəxəssis bildirib ki, kollektiv məşqlərə yenicə başlayan 27 yaşlı Braziliyalı müdafiəçi hələlik meydana çıxmağa hazır deyil.  

"Ümid edirəm ki, növbəti çempionat oyunu üçün hazır olacaq.Rayan Mmae də səfər matçından əvvəl siyahıda idi.Amma pandemiya ilə bağlı Azərbaycana giriş qaydalarına görə bizimlə ilk oyuna gələ bilmədi. 

Sabah ehtiyat oyunçular skamyasında olacaq və inanıram ki, bizə kömək edə biləcək. 

Mats Knuster komanda ilə ilk dəfə bazar günü məşq edib. Onun da vəziyyəti Mmae ilə oxşardır”. 

Qarabağ Fk-nun baş məşqçisi Qurban Qurbanov isə UEFA Çempionlar Liqasının III təsnifat mərhələsinin cavab oyunundan öncə mətbuat konfransında bildirib ki, hər iki komandanın istəyi çoxdur.  



www.anews.az