Kadırov Çeçenistanda Ukrayna əsirlərinin öldüyünü bildirib

Qudermesdə yerləşən  Putin adına Rusiya Xüsusi Təyinatlı Universitetinə Ukrayna PUA-sının hücumu nəticəsində Ukrayna əsirləri həlak olub. Bu barədə nin öldüyü barədə Çeçenistan rəhbəri Ramzan Kadırov açıqlama verib.

"Əvvəl dediyim kimi, hücum nəticəsində bizim tərəfimizdən itki olmayıb. Amma Ukrayna əsirləri arasında itkilər var. Respublikada hər bir strateji obyektdə, o cümlədən RUS-un (Rusiya Xüsusi Təyinatlı Universitetinin) ərazisində 10-a qədər Ukrayna əsiri saxlanılır. Kiyev bizə zərər verməyə çalışaraq bu gün öz əsgərlərini qurban verib,” -  Çeçenistan rəhbəri Telegram kanalında yazıb.

Kadırov hadisənin detalları barədə məlumat verməyib. Onun sözlərinə görə, xüsusi təyinatlı universitet hücumun hədəfi olub, çünki bu mərkəz yüksək səmərəli döyüşçülər yetişdirir və bu döyüşçülər ön cəbhədə ən çətin bölgələrdə uğurla bacarıqlarını tətbiq edirlər. Çeçenistan rəhbəri bu tədris mərkəzinin məzunlarının yüzlərlə strateji əhəmiyyətli yaşayış məntəqəsi, obyekt və mövqelərin ələ keçirilməsində böyük rol oynadıqlarını bildirib. Kadırov universitetə hücumun "sərt şəkildə cavablandırılacağını” vəd edib.

PUA oktyabrın 29-da  erkən saatlarda Qudermesdəki tədris müəssisəsinə hücum edib. Nəticədə yanğın baş verib və binanın damı zədələnib. Bu, Ukrayna PUA-sının Çeçenistan ərazisinə ilk hücumu olub.  Hadisə nəticəsində itki və ya xəsarət alanlar barədə məlumat verilməyib.

N.Təbrizli