Kamikadze prezidentliyə namizədin evinə hücum etdi

Əfqanıstanda martın 25-də terrorçu-kamikadzelər prezident postuna namizəd Əşrəf Qaninin evinə hücum ediblər.APA-nın “Lenta.ru”ya istinadən verdiyi xəbərə görə, silahlılar hücum zamanı mühafizəçilərə atəş açıb, partlayışlar törədiblər. Siyasətçinin özü evdə olmayıb, lakin ailəsinin evdə olduğu bildirilir.   Xəsarət alanlar barədə hələlik məlumat yoxdur. Hadisəyə görə məsuliyyəti öz üzərinə “Taliban” hərəkatı götürüb. Qeyd edək ki, Qani digər iki namizəd – hazırkı ölkə başçısı Həmid Kərzayın qardaşı olan  Qəyum Kərzay və müxalifətçi Abdulla Abdulla ilə birlikdə seçkiqabağı kampaniyanın favoritləridir.    Əfqanıstanda prezident seçkiləri aprelin 5-nə təyin olunub. ANN.Az