Keçmiş sevgilisi tərəfindən üzündən güllələnən 23 yaşlı qız möcüzəvi şəkildə həyatda qalıb. Braziliyada baş verən hadisənin anbaan görüntüləri geyim mağazasına quraşdırılmış kameralar tərəfindən qeydə alınıb.
Kadrlardan görünür ki, şübhəli maskalı halda mağazaya girərək, üç qadını başqa otağa yollayır, gənc qıza isə kassa aparatının yanına getməyi əmr edir.
Pulları götürdükdən sonra isə mağazadan çıxmaq əvəzinə kassa aparatının arxasında duran Renata Almeydaya atəş açır və hadisə yerindən qaçır.
Almeyda dərhal yerli xəstəxanaya çatdırılıb. Onun vəziyyəti ağır qiymətləndirilir.
"Müşahidə kameralarından da görünür ki, gənc qız cinayətkarın bütün tələblərini sözsüz yerinə yetirməsinə baxmayaraq, güllələnir. Buna görə hər kəs onun qarət deyil, qızı öldürmək məqsədilə oraya gəldiyini düşünür”, - deyə hüquq-mühafizə idarəsindən bildirilib.
Hadisə ilə əlaqədar cinayət işi açılıb, istintaq davam edir.
www.anews.az
Bizi sosial şəbəkələrdə izləyin !
