Köhnə beşmərtəbələr söküləcək - H.Əliyev prospektində

"Bakının Heydər Əliyev prospektində, Bağırov körpüsü yaxınlığında yerləşən köhnə beş mərtəbəli binaların yerinə 7 mərtəbəli binaların tikintisi nəzərdə tutulur".Bu barədə Day.Az saytına 18 saylı MİS-dən məlumat verilib. İdarənin mühəndisi Fikrət Ağayev deyib ki, artıq Heydər Əliyev prospektində Mənzil İstismar İdarəsinin balansında olan binalarda sənədlər toplanılaraq icra hakimiyyətinə təqdim olunub.

Onun sözlərinə görə, gələcəkdə köhnə beş mərtəbəli binaların yerinə 7 mərtəbəli binaların tikintisi nəzərdə tutulur. Bu binalar daha müasir olacaq. Ancaq söküntü işlərinin nə zaman başlanacağı bilinmir.//Milli.az