Kılıçdaroğlu Azərbaycanla bağlı jurnalistin sualına belə cavab verdi - Video
25.05.2023 10:26
CHP sədri prezidentliyə namizəd Kamal Kılıçdaroğlu Türkiyə və Azərbaycan arasındakı əlaqələrə eyni prizmadan baxdığını bildirib. Bu barədə Kılıçdaroğlu türkiyəli jurnalistin "Həyatımın layihəsi” adlandırdığı nəqliyyat layihəsində Azərbaycana yer verməməsi barədə sualına cavab olaraq vurğulayıb.
"Azərbaycanın paytaxtı Bakı ilə İstanbul arasında heç bir fərq yoxdur. Bizim Azərbaycanla olan dostluğumuz, əməkdaşlığımız heç bir partiya baxımından fərqli şəkildə düşünülə bilməz. Mən bu məsələyə necə yanaşıramsa, əminəm ki, digər partiya sədrləri də Türkiyə ilə Azərbaycan arasındakı əlaqələrə eyni prizmadan baxırlar. Bizim əsas hədəfimiz əlbəttə ki, Mərkəzi Asiyanı Türkiyə və Avropa ilə birləşdirmək, mərkəzi Türkiyə olan layihəni böyütmək, Türkiyənin türk dövlətləri ilə birgə daha güclü bağlarla birləşdirən iqtisadi infrastruktur yaratmaqdır. Bizim bütün hədəfimiz bundan ibarətdir. İran və Ermənistan arasında münasibətlər bu dəhlizin açılmasını bir qədər çətinləşdirir. Əgər Türkiyə öz gücündən istifadə edərsə və dostluğu bölgədə daha çox təmin edərsə, yaradılacaq dəhlizin həm Türkiyə, İran, Ermənistan və digər türk dövlətlərinə böyük fayda verəcəyini və yaranacaq iqtisadi faydanın bütün ölkələr tərəfindən paylaşılacağını izah edə bilsək, Türkiyə bölgədə daha güclü olacaq. Biz o dəhlizi genişləndirmək və böyütmək məcburiyyətindəyik”,- CHP sədri bildirib.
Ətraflı videodan izləyə bilərsiniz:
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
