KİV: AVRO-2020-də qadın hakim olmayacaq

İdman

23:00 | 21.04.2021

KİV: AVRO-2020-də qadın hakim olmayacaq

Yaponiyanın paytaxtı Tokiodakı Yay Olimpiya Oyunlarında kişi və qadınların futbol yarışlarında xidmət edəcək hakimlər açıqlanıb.

"Report"un "Sport-express"ə istinadən məlumatına görə, Avropadan qadın FIFA referiləri fransalı Stefani Frappar və ukraynalı Yekaterina Monzul dəvət alıb.

Bu isə o deməkdir ki, hər iki baş hakim AVRO-2020-nin final mərhələsində olmayacaq. Frappar və Monzuldan əlavə, rusiyalı Anastasiya Pustovoitova da olimpiadada ədaləti qoruyacaq.

Kişilərin turnirində Avropadan 4 hakim - portuqaliyalı Artur Diaş, israilli Orel Qrinfeld, serbiyalı Srcan Yovanoviç və bolqar Georgi Kabakov qarşılaşmaları idarə edəcək.

Qeyd edək ki, Yay Olimpiya Oyunları 2020-ci il 24 iyul - 9 avqustda keçirilməli idi. Oyunlar koronavirus pandemiyası üzündən bu il 23 iyul - 8 avqusta təxirə salınıb.

AVRO-2020 isə iyunun 11-dən iyulun 11-dək keçirilməlidir. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək. 4 oyununun hər birində ümumi tamaşaçı tutumunun 50 faizi qədər azarkeş iştirak edə biləcək.

www.anews.az

Bizi sosial şəbəkələrdə izləyin !