Bütün
dünyada yayılan Covid 19 virusu ölkələrin səhiyyəsini bir daha necə işlədiyini göstərdi. Azərbaycanda isə Covid
19-la mübarizədə bu səlahiyyət səhiyyə sisteminə deyil, məhz TƏBİB-ə tapşırıldı. Daha sonra dəstək
üçün Səhiyyə Nazirliyinə yenidən səlahiyyətlər verildi. Bu zaman isə ortaya bir
çox problemlər çıxdı. İnsanlar əslində xəstəliyə yoluxduğu vaxt kimə,
necə müraicət edəcəklərini səhv saldılar.
Bəs görəsən pandemiya işəraitində səhiyyəyə nəzarətin iki quruma verilməsi hansı zərurətdən doğub?
Bununla
bağlı səhiyyədə çalışan həkim ekspertlərin fikirlərini aldıq.
Həkim Yeganə Vəliyeva bildirir ki, koronavirusla mübarizənin iki qurumun nəzarətinə verilməsi çox pis haldır. Hətta o, buna bir həkim kimi etiraz edir.
"Ailənin bir başçısı
olar misalı üzərindən baxsaq bir ailədə iki rəhbər olanda dağılmağa məhkumdur.
Eləcə TƏBİB-lə Səhiyyə Nazirliyinin fəaliyyəti tam bərbad bir formadadır. Buna
birmənalı şəkildə Səhiyyə Nazirliyi nəzarət etməlidir".
Yeganə Vəliyeva onu da bildirdi ki, koronavirusla mübarizədə poliklinikalara verilən səlahiyyətlərdən
sonra əslində çox biabırçı və virusun geniş yayılması üçün bir səbəb yaranıb.
Çünki insanlar qızdırmalı halda poiknikalara yaxınlaşır,a heç bir qaydalara riayət
etmir və beləcə yoluxma sayı getdikcə daha da çoxalır.
"Mən həkim olaraq onu deyə
bilərəm ki, bu gün poliknikalar birbaşa virusun yayılma mənbəyinə çevrilib. Belə olan halda hər bir poliknikaya bir polis
nəzarətçisi qoyulmalıdır. İnsanları heç bir halda nəzarətdə saxlamaq olmur.
Qızdırmalı adam ortalıqda çox asanlıqla gəzir. Hələ onun gəldiyi, basabasda
mindiyi avtobusda nə qədər insana virusu yoluxdurduğunu nəzərə aslaq deyə bilərəm ki, bu sadəcə dəhşətdir", - Vəliyeva bildirdi.
Tibb elmləri doktoru, professor Adil Qeybullanın sözlərinə görə isə dünya praktikasında bir işlə iki qurumun məşğul olması halı yoxdur.
Başqa ölkələrdə bu virusla mübarizə məhz Səhiyyə qurumuna tapşırılıb.
"Ümumiyyətlə
isə bu işin təşkilinə əvvəldən Səhiyyə Nazirliyi nəzarət etməli idi.Ona görə
ki, Səhiyyə Nazirliyi həm mütəxəssis sayı ilə həm infeksiyanın mübarizəsi təcrübəsi
ilə TƏBİB-dən daha irəlidədir. Ümumrespublika vaksinasiyasını həyata keçirən
qurum Səhiyyə Nazirliyi idi.Sovet dövründən bu yana infeksiya ilə mübarizə təcrübəsi
var.TƏBİB icbari tibbi sığorta həyata keçirilməsi üçün yaradılmışdı.Sadəcə
bunun TƏBİB-ə həvalə olunması böyük bir yük idi.Sonra gördülər ki, bu yükün
altından çıxmaq çətindir ona görə bir hissəsini verdilər Səhiyyə Nazirliyinə. Belə halda da vəziyyət iki hissəyə bölündü. Ortaya bir çox problemlər çıxdı. Yaxşı
olar ki, bütün bu proseslərə vahid bir qurum nəzarət etsin", professor vurğuladı.
Həkim Müşfiq Hüseynovun sözlərinə görə isə əslində problem işin iki quruma tapşırılmasında deyil.
"TƏBİB pamdemiya zamanında yaranmayıb. 2018-ci ildə Azərbaycan Respublikasının prezidentinin fərmanı ilə İTS nəzdində publik qurum kimi yaradılıb
və Səhiyyə Nazirliyinin bir çox səlahiyyətləri TƏBİB-ə verilib. Belə yanaşı qurumlar ölkədə
az deyil. Eyni adlı və eyni işi görən qurumlar NK də və PA da var. Təbii ki, bu
işə mane olur və güclərin parçananmasına gətirir. Heç kim məsuliyyətin altına
tam olaraq girmək istəmir", - deyə Hüseynov bildirir.
M.Hüseynovun
fikrincə problem ölkədə iki qurumun olması deyil.
"Ölkədə Operativ Qərargah var,
və orada bütün qurumlardan nümayəndələr təmsil olunur. Qərarlar kollegial olaraq
qəbul edilir. Bu gün konkret olaraq TƏBİB bu işi bacarmadı demək bütün məsuliyyəti
onların boynuna atmaq olardı. Fikrimcə bu ədalətsizlik mövqedir. Bəli,
çatışmazlıqlar var və çoxdur. Yanlış qərarlar var və indi də verilir. Amma razılaşaq
ki, pandemik müharibə vəziyyətində olan ölkədə məsuliyyət davası aparılmamalı hər
kəs işin öz öhdəsinə düşən hissəsini dəqiq
və zamanında görməldir. Bu ümumi bəladır və tək bizim ölkəyə aid deyil.
Başqa
ölkələrin təcrübəsinə baxsaq, demək olar ki, hər yerdə Səhiyyə nazirliyi işin əsas
hissəsini öz üzərinə götürüb, gündəlik brifinqlər edilir və xəstə, ölü sayı
açıqlanır. Məsələn qardaş ölkə Türkiyədə Sağlıq Bakanlığı sosial şəbəkələr də
daxil olmaqla çox aktiv iş görür. Bu gün ölkədə ən aktiv adam Səhiyyə Naziridir
desək yanılmarıq. Bununla yanaşı nazirlik nəzdində Sağlıq Kurulu adlı görkəmli
alim, epidemioloq, viusoloqlardan ibarət qurum fəlaiyyət göstərir, işlərin
koordinasiyana yardım edirlər. Və ya Qazaxstanda, bizdəki kimi qərargah
yaradılıb, ora SN, Yerli İcra qurumlarının nümayəndələri və epidemiologi mərkəz
rəhbərliyi daxildir. Hərə öz işini görür. SN gündəlik brifinq keçirib hərəkətləri
koordinasiya edir, icra orqanları şəhərdəki karantin vəziyyətinə nəzarəti, nəqliyyat, işləyən
və işləməyən qurumlarla məşğuldur, epidemioıogi merkez isə pandemik ocaqların
söndürülməsi və dezinfeksiya işləri ilə məşğul olur.
Kimsə
məsuliyyətin altına girməlidir. Kimin girməsinin önəmi yoxdur, əsas məsələ
problemin çözülməsidir. Necə deyərlər hər kəs
"mən nə edim?” Soruşmamalı, "mən bunu edirəm” deməli və ümumi işə yardım
etməlidir
Mövzu
ilə bağlı TƏBİB-in fikirlərini almaq istəsək də mətbuat katibi Rəvanə Əliyeva
bildirdi ki, bu səlahiyyətlərin verilməsi Operativ Qərargaha aid olan bir məsələdir.
Onlar nə qərarlar verdisə TƏBİB-də bu qərarları yerinə yetirən bir qurumdur".
Gülnar Nazimqızı
www.anews.az
Bizi sosial şəbəkələrdə izləyin !