Rusiyanın pilot-kosmonavtı, Beynəlxalq Kosmik Stansiyanın ekipaj üzvü Gennadi Padalka kosmosa 10-cu çıxışı zamanı "selfi” çəkib.
Trend bu barədə Lenta.ru saytına istinadən məlumat verir.
Şəkil "Roskosmos” Federal Kosmik Agentliyinin rəsmi "Twitter” səhifəsində dərc olunub. Şərhlərdə bildirilib ki, G.Padalka şəkli avqustun 10-da çəkib.
Xatırladaq ki, G.Padalka kosmosda qalma müddətinə görə rekorda imza atıb. 57 yaşlı kosmonavt ümumilikdə orbitdə 828 gün qalıb.
Bu açıq kosmosda çəkilən yeganə "selfi” deyil. 2014-cü ildə amerikalı astronavt Stiven Suonson da özünün "Instаgram” səhifəsində avtoportretini yerləşdirmişdi.
Dünyada ilk kosmik "selfi”nin müəllifi isə amerikalı kosmonavt Bazz Oldrindir. 1966-cı ildə kosmosa çıxışı zamanı pilot kamera vasitəsilə Yerin fonunda şəkil çəkdirmişdi.
www.ann.az
Bizi sosial şəbəkələrdə izləyin !
