İordaniya Hava Qüvvələri bu səhər Mosul yaxınlığındakı İŞİD mövqelərinə havadan ağır zərbələr endirməyə başlayıb. Ölkə rəhbəri 2 gün əvvəl yandırılaraq qətlə yetirilən iordaniyalı pilotun heyfini amansızcasına almaq qərarı verib.

ANN.Az xarici ölkə mediasına istinadən xəbər verir ki, ABŞ-a rəsmi səfərini yarımçıq saxlayaraq vətəninə dönən Kral Abdullah hərbi rəhbərlərlə birgə iclas keçirib və İŞİD-ə qarşı atılacaq addımları müzakirə edib.

ABŞ-da olarkən Kral Abdullah Respublikaçı Partiyasının təmsilçiləri ilə görüşdə İŞİD-ə qarşı bu günə qədər görünməyən səviyyədə qarşılıq veriləcəyini vəd etdiyini deyib.

"Oxford" universitetinin məzunu olan Kral Abdullahın Hava Qüvvələrinə "Mərmilərimiz və bombalarımız bitənə qədər bombalayın" əmrinin verdiyi deyilir.

İŞİD-in iordaniyalı pilotu yandıraraq qətlə yetirməsinindən sonra Kral Abdullah terror təşkilatına qarşı yaradılan koalisiyada daha fəal olmağa qərar verib. Kral "Amansız bir döyüş" başlatdığını elan edib.