Avropa Birliyi “Odda - İki bacı” filminin nümayişini təxirə salıb - Qalmaqal - YENİLƏNİB

 Almaniyanın Bakıdakı səfirliyi və Aİ-nin Azərbaycandakı nümayəndəliyi "Odda - İki bacı” filmini Landmark-da nəzərdə tutulan nümayişini təxirə salıb.  Bu barədə Avropa İttifqının Azərbaycandakı ofisindən məlumat verilib. 

 

Almaniyanın Bakıdakı səfirliyi Aİ-nin Azərbaycandakı nümayəndəliyi ilə birlikdə "Odda - İki Bacı" ("Sisters Apart") filminin dekabrın 5-i saat 19.00-da nümayişini nəzərdə tutmuşdu. 

 

Filmin nümayişinin təxirə salınmasına səbəb onun Türkiyəyə qarşı çəkilməsi səbəbindən Azərbaycan ictimaiyyatı tərəfindən birmənalı qarşılanmamsının  olduğu iddia edilir. 

16.05 

_____________ 

"Odda - İki bacı” ("Sisters apart”) filmi anti-Türkiyə mövzusunda lentə alındığı üçün Azərbaycan ictimaiyyəti tərəfindən narazılıqla qarşılanıb. 

Filmin ssenari müəlllifi və rejissoru Dafne Çarizanidir. Baş rollarda Almila Bagiracıq, Zübeydə Bulud və Məryəm  Bubani çəkiliblər.

 

Filmdə Türkiyəyə düşmənçilik, antipatiya ruhu nümayiş olunur.  

 

Mədəniiyyət Nazirliyi kinonun yayımı ilə bağlı açıqlama verərək bildirib ki, sözügedən filmin qeyri-kino profilli müəssisədə nümayişini məqbul hesab etmir və hansısa məkanda nümayiş olunması  Mədəniyyət Nazirliyinin səlahiyyətlərinə daxil deyil. 

 

"Mövcud qanunvericiliyə əsasən ölkə ərazisində kütləvi nümayiş üçün nəzərdə tutulan yerli və xarici filmlər Mədəniyyət Nazirliyi tərəfindən Dövlət Reyestrində qeydiyyata alınaraq Yayım vəsiqəsi ilə təmin edildikdən sonra kino nümayişi müəssisələrində tamaşaçılara təqdim olunur.  "Odda - İki bacı" filmi ilə bağlı bildiririk ki, sözügedən filmə Nazirlik tərəfindən Yayım vəsiqəsi verilməyib və istər Nazirliyin tabeliyində fəaliyyət göstərən Nizami Kino Mərkəzində, istərsə də ölkədəki özəl kinoteatrlarda həmin filmin nümayişi nəzərdə tutulmayıb", - nazirliyinin açıqlamasında deyilir.