bp Üzeyir Hacıbəylinin 140 illiyinə həsr olunmuş nəşrlərə dəstək verib

bp Azərbaycanın musiqi mədəniyyətinin banilərindən olan bəstəkar, maarifçi və publisist Üzeyir Hacıbəylinin 140 illiyi münasibətilə onun əsərlərinin çapına dəstək verib. BU barədə bp məlumat yayıb.

Layihəyə bəstəkarın indiyədək dərc olunmamış əsərlərinin toplandığı iki kitab, həyat və yaradıcılığını əks etdirən fotoalbom və Bakıdakı ev-muzeyi üçün məlumat kitabçası daxildir.

Ümumi dəyəri 127,560 manat (75,035 ABŞ dolları) olan layihə “Azərnəşr” tərəfindən həyata keçirilib və konsert proqramını da əhatə edib.

bp şirkəti Azərbaycanda fəaliyyətə başladığı 33 il ərzində neft-qaz layihələrinə tərəfdaşlarla birlikdə 87 milyard dollardan çox sərmayə yatırıb, sosial layihələrə isə 111 milyon dollardan artıq vəsait yönəldib.

Şirkət bildirir ki, sosial sərmayələr təhsil, yerli icmaların inkişafı, sahibkarlıq, ətraf mühit, idman və mədəni irsin təbliği kimi sahələrə yönəlib.

Hazırda bp-də 2395-dən çox azərbaycanlı çalışır, bu da işçi heyətinin 90%-dən çoxunu təşkil edir.

N.Təbrizli