Kürdəmirdə mikroavtobus aşıb, xəsarət alanlar var

Kürdəmirdə yol-nəqliyyat hadisəsi baş verib, xəsarət alanlar var.

APA-nın məlumatına görə, hadisə Bakı-Qazax əsas magistral yolunun rayonun Karrar qəsəbəsindən keçən hissəsində qeydə alınıb.

"Mercedes" markalı mikroavtobus hərəkətdə olarkən idarəetməni itirərək aşıb.Nəticədə 5 nəfər - Göyçay rayon sakinləri, 68 yaşlı Süleyman Rəhimov, 17 yaşlı Şəfa Bəkirov, 18 yaşlı Nərmin Ələkbərova, Bakı şəhər sakinləri, Dmitri Nubaxoviç və Nəzakət Məmmədova müxtəlif xəsarətlər alıblar.

Zərərçəkənlər Kürdəmir Rayon Mərkəzi Xəstəxanasına yerləşdiriliblər.