Latviya Rusiya ilə diplomatik münasibətlərin səviyyəsini aşağı salacaq

Latviya 2023-cü il fevralın 24-dən, Rusiyanın Ukraynada xüsusi əməliyyatının başlamasının ildönümündən etibarən Rusiya Federasiyası ilə diplomatik münasibətlərin səviyyəsini aşağı salacaq. Bu barədə Respublika Xarici İşlər Nazirliyinin rəhbəri Edqars Rinkeviç öz Tvitter səhifəsində məlumat verib.

Diplomatın sözlərinə görə, Riqa Moskvadan buna uyğun hərəkət etməyi tələb edir. Rinkeviçs müvafiq qərarın səbəbi kimi Ukraynadakı münaqişə adlandırıb.

Nazir əlavə edib ki, eyni qərar Estoniya ilə həmrəylik çərçivəsində verilib.

Yanvarın 23-də Rusiya Xarici İşlər Nazirliyi Moskvanın Estoniya ilə diplomatik münasibətlərin səviyyəsini aşağı salmaq qərarına gəldiyini bildirib. Xarici İşlər Nazirliyi respublika hakimiyyətini Rusiya ilə münasibətləri "məqsədli şəkildə pozmaqda”, həmçinin "total rusofobiyada” ittiham edib. Bundan əvvəl Estoniya Rusiyanın Tallinndəki səfirliyinin sayını "kəskin şəkildə azaldıb”, bunun fonunda diplomatik nümayəndəlik müvəqqəti olaraq konsulluq xidmətləri göstərməyi dayandırıb. 

Fevralın 24-də Rusiya prezidenti Vladimir Putin LXR və DXR rəhbərlərinin yardım xahişinə cavab olaraq Ukraynada hərbi xüsusi əməliyyat keçirmək qərarına gəldiyini açıqlayıb.


www.anews.az