Lavrov Yanukoviçin müdafiəsinə qalxdı

Rusiya xarici işlər naziri Serqey Lavrov Ukrayna prezidentinin müdafiəsinə qalxıb. ANS PRESS-in məlumatına görə, "Rusiya 24" telekanalına müsahibəsində Lavrov bildirib ki, rəsmi Moskvanı Kiyevin Avropa Birliyi ilə assosiasiya haqqında sazişin imzalanmasını təxirə salmaq qərarına Qərbin reaksiyasıya heyrətləndirib: 

"Ukrayna hakimiyyətinin suveren qərarı həddindən artıq reaksiyaya səbəb olur. Viktor Yanukoviçin hökuməti nə edib? O nüvə silahının yayılmaması haqqında müqavilədən imtina edib? Öz öhdəliklərinin pozulmasına görə nüvə silahına yiyələnmək istəyir? Və ya kimisə güllələyib?"

Rusiya xarici işlər naziri həmçinin qeyd edib ki, Qərb Ukrayna ilə münasibətdə reallıq hissini itirməyə başlayıb:

"Avropa Birliyinin ali nümayəndəsi gəlib Ukrayna xalqından Avropa Birliyi ilə assosiasiyaya sazişinin bağlanması xeyrinə seçimi etməyi tələb edirlər".

Lavrov əlavə edib ki, Ukraynadakı vəziyyət artıq Rusiya prezidenti Vladimir Putin tərəfindən dəfələrlə şərh edilib. Rusiya xarici işlər naziri bu hadisələrin əvvəlcədən planlaşdırıldığını deyib.

ANN.Az