Macarıstan Rusiyadan qaz idxalını davam etmək niyyətindədir
30.08.2024 17:31
Macarıstanın xarici işlər naziri Peter Siyarto "Qazprom” ASC-nin İdarə Heyətinin sədri Aleksey Miller ilə danışıqlar aparıb.
Görüş Sankt-Peterburqda baş tutub. Görüş zamanı tərəflər Rusiya qazının Macarıstana nəqli məsələsini müzakirə ediblər.
Siyarto qeyd edib ki, indi Rusiya qazi olmasa Macarıstanın enerji təhlükəsizliyinə təminat vermək mümkün deyil.
"Bu gün Avropada bunu söyləmək cəsarət tələb edir, lakin Macarıstan Rusiya ilə ölkənin təhlükəsizliyinin tərkib hissələrindən biri olan enerji əməkdaşlığından məmnundur", - Siyarto yazıb.
2021-ci il iyulun 4-də Serbiyadan Macarıstana qaz kəmərinin transsərhəd hissəsinin tikintisi başa çatıb.
2021-ci il oktyabrın 1-dən "Qazprom” Ukrayna ərazisindən tranziti dayandıraraq, Balkan axını ilə Macarıstana qaz ixrac edir.
Rusiya Macarıstanı təbii qaz (75 faiz), neft (60-80 faiz) və nüvə yanacağı (100 faiz) ilə təmin edir.
Macarıstan hətta Rusiya qazınn dəyərini rublla ödəməyə hazır olduğunu da bildirib.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
