Macarlardan Azərbaycana dəstək: “Biz ədalətin yanındayıq”

A.Biro açıqlamasında bildirib ki, Macarıstan Azərbaycanın yanında olub və olacaq da: “Biz hər zaman Azərbaycanın yanındayıq və bir çox məsələlərdə, əsasən də Dağlıq Qarabağ problemi ilə bağlı Azərbaycanın mövqeyini dəstəkləyirik. O cümlədən ölkənizin başına gətirilən bir çox faciələri, xüsusilə də Xocalı soyqırımının baş verdiyini başa düşürük. Biz istəyirik ki, Azərbaycan öz torpalarını geri qaytarsın. Bunun üçün biz Azərbaycana istənilən köməyi göstərməyə hazırıq. Hətta beynəlxalq təşkilatlarda rəsmi Bakının mövqeyini müdafiə edəcəyik”.

O, həmçinin bildirib ki, Azərbaycan və Macarıstan tərəfdaş deyil, qohum xalqdır: “Azərbaycan və macar xalqlarını tərəfdaş münasibətlər deyil, qohumluq əlaqələri bağlayır və macar xalqı Azərbaycanın ərazi bütövlüyü, Azərbaycan torpaqlarının Ermənistan tərəfindən işğala məruz qalması ilə bağlı həqiqətlərin Macarıstanda və bütövlükdə Avropada geniş yayılmasında əllərindən gələn dəstəyi göstərməyi qardaşlıq borcu sayırlar. “Qarabağ mövzusunda Azərbaycanlı qardaşlarımızın yanındayıq və bu məhz ədalətin yanında olmaqdır!”