Makron - “Yeni Kaledoniyanın hər məhəlləsinə” nəzarət bərpa ediləcək

19:09 | 23.05.2024
Makron  - “Yeni Kaledoniyanın hər məhəlləsinə” nəzarət bərpa ediləcək

Makron - “Yeni Kaledoniyanın hər məhəlləsinə” nəzarət bərpa ediləcək

Fransa hakimiyyəti yaxın saatlarda Yeni Kaledoniyaya əlavə zirehli texnika və helikopterlər göndərəcək. Fransa mətbuatı xəbər verir ki, bunu Fransa prezidenti Emmanuel Makron Yeni Kaledoniyaya səfərindən sonra keçirdiyi mətbuat konfransında deyib.

"Biz zorakılığın hələ də hökm sürdüyü hər bir məhəlləyə nəzarəti  bərpa edəcəyik" dedi Fransa lideri.

İğtişaşları yatırtmaq üçün 3 min asayiş keşikçisi, o cümlədən xüsusi polis və jandarma bölmələrinin 130 əməkdaşı cəlb edilib.

"Biz ikili məqsəd güdürük: 11 gündür davam edən və respublikada yeri olmayan zorakılığa heç bir güzəştə getməmək, sakitləşməyə və dialoqun tezliklə bərpasına aparan yol tapmaq”, - Makron vurğulayıb. .

Agence France-Presse xəbər verir ki, Fransa prezidenti Emmanuel Makron Yeni Kaledoniyaya müstəqillik tərəfdarlarının etirazları fonunda adaya gəlib və bildirib ki, səfərinin məqsədi xalqa dəstək olmaq və sakitlik bərqərar etməkdir.

"Mənim burada məqsədim xalqı dəstəkləmək üçün nazirlərin və bütün hökumətin yanında olmaqdır... Mən bura böyük hörmət, təvazökarlıq və qurbanların düşüncəsi, sakitliyi bərpa etmək üçün hər şeyi etmək əzmi ilə gəldim", - Makron jurnalistlərə deyib. .

Adadakı tərəflərin prezident və baş nazir Qabriel Attalla danışıqlar üçün Parisə gəlmək təklifi ilə birgə videokonfrans keçirmək təklifini rədd etdikdən sonra Makron dialoq yollarını tapmağa çalışmalıdır.

Mayın 13-də Yeni Kaledoniyanın paytaxtı Noumea şəhərində yerli seçkilər üçün seçici siyahılarının genişləndirilməsi ilə bağlı Fransa qanun layihəsinə etirazlar iğtişaşlara çevrildi. Fransa rəsmiləri yüzlərlə insanın yaralandığını və 200-dən çox insanın saxlanıldığını bildirib. Yeni Kaledoniyada mayın 15-də 12 gün müddətinə fövqəladə vəziyyət elan edilib, liman və hava limanlarının mühafizəsi üçün hərbçilər gətirilib.
 
N.Təbrizli

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb