Anews.az məsələ ilə belə kartoflara təsadüf edilmiş iri marketlərdən biri ilə əlaqə saxlıyaraq  məsələyə aydınlıq gətirdi. Market şəbəkələrinin məsulu  bildirdi ki, hal – hazırda bazarda yerli məhsul kartoflar satılır. Bu məhsullar bazara Şəmkir, Gədəbəy və Cəlilabadan gətirilir. "Market kartofu aldığı zaman kəsir içinə baxır, həm də nümunə götürür. Bir neçə tonun içindən bir neçə elə kartofların çıxması normal haldır. Biz müştərilərə hər zaman yaxşı məhsulun satılmasının tərəfdarıyıq", - deyə adının çəkilməsini istəməyən market  əməkdaşı bildirdi.

Bazarımızı keyfiyyətsiz ərzaqlardan qorumağa məsul olan Qida Təhlükəsizliyi Agentliyinin mətbuat xidmətinin rəhbəri Aysel Fərziyeva anews.az –a açıqlamasında bildirdi ki, agentlik qida zəncirinin bütün mərhələlərinə dövlət nəzarətini həyata keçirir. Agentlik tərəfindən ölkədə istehsal olunan və ölkəyə idxal olunan qida məhsulları üzərində risk əsaslı nəzarət tədbirləri həyata keçirilir. Məhsullar gömrük ərazisinə daxil olduqdan sonra daşıdığı risk səviyyəsinə uyğun olaraq ekspertizadan keçirilir. Ölkəyə idxal edilən kartoflardan da Agentliyin müfəttişləri tərəfindən nümunələr götürülərək Azərbaycan Qida Təhlükəsizliyi İnstitutunun müvafiq laboratoriyalarında müayinə edilir. Ekspertizanın nəticələri uyğun olduqda məhsullar yerli bazarda sərbəst ticarət dövriyyəsinə daxil edilir.

"Qeyd etdiyiniz məsələ ilə bağlı məlumat mediadan götürülərək aidiyyəti üzrə yönləndirilib və Qida Təhlükəsizliyi Agentliyi tərəfindən araşdırmalara başlanılıb.  Araşdırmaların nəticələri ilə bağlı ictimaiyyətə məlumat veriləcək", deyə Feyziyeva vurquladı.

Agentlik rəsmisi həmçinin söylədi ki, əgər vətəndaşların satış müəssisələrində satılan kartof  ilə bağlı şübhələri və ya şikayətləri olarsa,  bu barədə Agentliyin 1003 "Çağrı Mərkəzi”nə zəng edib məlumat verə bilərlər.

Məsələ ilə bağlı bir həkim rəyi də aldıq. Terapevt Vahid Hüseynov bildirdi ki, kartoflara dərman çox vurulduğu üçün içində bu cür cürümələr və qaralmalar olur. Bu da insan orqanizminə çox ziyandır. İnsanlarda böyrək, qara ciyər çatızmazlığına səbəb ola biləcək qədər ciddi məsələdir.