Masallıda evdən 5600 manatlıq məişət texnikası oğurlandı
04.08.2020 19:00
Masallıda məişət və elektrik avadanlıqları oğurlayan şəxslər saxlanılıb.
Bununla bağlı Daxili İşlər Nazirliyinin Mətbuat xidmətinin Lənkəran regional qrupu məlumat yayıb.
Bildirilib ki, Masallı rayonunun Sığıncaq kənd sakini Ş.Sarxanlıya məxsus yaşayış evindən gecə saatlarında dəyəri 5 600 manat olan iki ədəd televizorun, bir ədəd mikrodalğalı soba və digər elektrik avadanlıqlarının oğurlanması ilə bağlı polisə müraciət edilib.
Masallı Rayon Polis Şöbəsinin əməkdaşlarının keçirdikləri əməliyyat-axtarış tədbirləri ilə oğurluğu törətməkdə şübhəli bilinən şəxslər müəyyən edilərək saxlanılıb.
Faktla bağlı araşdırma aparılır.
www.anews.az
Foto 
Video 
