Feysbuk sosial şəbəkəsində polisin vətəndaşları əsassız bölməyə apararaq protokol yazması barədə ittihamların səsləndirməsi müzakirəyə səbəb olub.
DİN Mətbuat Xidmətinin şöbə rəisi, polis mayoru Elşad Hacıyev açıqlamasında bildirib ki, həmin şəxslərlə əlaqə saxlanılıb, məlumat dəqiqləşdirilib. Məlum olub ki, epidemiya əleyhinə rejim, sanitariya-gigiyena və karantin rejim qaydalarını pozaraq tibbi maskadan istifadə etmədiyinə görə bir qrup şəxs barəsində inzibati tənbeh tədbiri tətbiq olunub.
"Tövsiyə edirik ki, sosial şəbəkə istifadəçiləri polis haqqında hər hansı məlumatı tirajlayarkən diqqətli olsunlar. Çünki sosial şəbəkələrdə "fakt” kimi təqdim olunan, feyk xəbərlər dəqiqləşdirilməklə yoxlanılır. Feyk xəbərlər əsasən saxta, manipulyasiya məqsədilə yaradılan hesablarda paylaşılaraq, həqiqət kimi təqdim olunur. Buna ənənəvi mediadan fərqli olaraq sosial media istifadəçilərinin paylaşımlarında daha çox rast gəlinir. Daxili işlər orqanlarının fəaliyyəti insanların həyat və sağlamlığının qorunmasına xidmət edir. Pademiya şəraitində vətəndaşlardan tətbiq edilən izolyasiya tədbirlərini anlayışla qarşılamalarını, karantin rejimi qaydalarına riayət etmələrini xahiş edirik", - deyə Hacıyev bildirib.
www.anews.az
Bizi sosial şəbəkələrdə izləyin !