Maştağada kişi öldürüldü - 21 yaşlı gənc saxlanılıb

Oktyabrın 13-ü gecə saatlarında Sabunçunun Maştağa qəsəbəsi ərazisində bıçaqlanma hadisəsi baş verib. Bu barədə DİN-in Mətbuat Xidməti məlumat yayıb.

1987-ci il təvəllüdlü Səid Əhmədova kəsici alətlə xəsarətlər yetirilməsi nəticəsində yerləşdirildiyi tibb müəssisəsində ölüb.

Cinayəti törətməkdə şübhəli bilinən 2003-cü il təvəllüdlü M. Əmirxanov müəyyən olunaraq saxlanılıb.

Faktla bağlı araşdırma aparılır.


***


Sabunçu Rayon Prokurorluğunun məlumatına görə, oktyabrın 13-də saat 23 radələrində 1987-ci il təvəllüdlü Səid Əhmədovun aldığı xəsarətdən yerləşdirildiyi xəstəxanada ölməsi barədə Sabunçu rayon prokurorluğuna məlumat daxil olub.

Aparılmış araşdırmalarla 2003-cü M. Əmirxanovun aralarında yaranmış mübahisə zamanı Səid Əhmədova bıçaqla xəsarət yetirməsi nəticəsində sonuncunun həmin gün yerləşdirildiyi xəstəxanada ölməsinə əsaslı şübhələr müəyyən edilib.


Faktla bağlı Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, M. Əmirxanov iş üzrə şübhəli şəxs qismində tutulub. Hazırda ibtidai istintaq davam etdirilir.



www.anews.az