Sənəd 14 sentyabr 2022-ci il tarixlidir, 16 səhifədən ibarətdir. Müqavilə dəyəri 1 milyon dollardan çox olan komponentlərin və döyüş sursatlarının alınmasına aiddir. Mənbə onu mərmilərin, həmçinin T-72 tankları və Haubitsa artilleriya qurğuları üçün lülələrin daxil olduğu iddia edilən əlaqəli müqavilənin beş səhifəsi ilə birlikdə təhvil verib.

Sky News yazır ki, onlar sənədlərin həqiqiliyini müstəqil şəkildə yoxlaya bilməyiblər. Bununla belə, təhlükəsizlik mənbəsi bildirib ki, "bu, iranlılar və ruslar arasında döyüş sursatı ilə bağlı müqavilədir... Biz bunun 100% orijinal olduğuna əminik”.

Müqavilənin bir nüsxəsi artıq mayda Böyük Britaniyaya səfəri zamanı Ukraynanın baş naziri Denis Şmıqala, eləcə də Böyük Britaniyanın xarici işlər naziri Ceyms Kleverliyə göstərilib. Kiyev və London materialların mənşəyini araşdırmağı planlaşdırdıqlarını və sənədlərin həqiqi olduğu halda tədbir görəcəklərini bildiriblər.

"Rusiyanın Ukraynaya müdaxilə cəhdində İranın Rusiyaya hərbi dəstək verdiyinə dair əlimizdə dəlillər varsa, biz hərəkətə keçdik və əlbəttə ki, həmişə bunu edəcəyik”, - Kleverli sənədi şərh edib.

O qeyd edib ki, Rusiya ordusunun Ukraynaya hücumu üçün istifadə etdiyi pilotsuz təyyarələrin tədarükündən sonra Britaniya artıq Tehrana qarşı sanksiyalar tətbiq edib.

Ukraynanın Böyük Britaniyadakı səfiri Vadim Pristayko Britaniya televiziya şirkətinə müsahibəsində deyib: "Biz oxşar hadisənin baş verdiyindən şübhələnirdik”.

www.anews.az