Yeni çağırış Türkiyə parlamentinin sədrinin seçkisi çərşənbə günü keçiriləcək, lakin onun yalnız üçüncü turda seçiləcəyi ehtimalı var. Bu barədə bazar ertəsi TASS-a Ankaranın siyasi dairələrindəki mənbə məlumat verib.

"İlk iki turda parlament rəhbərini seçmək üçün onun dəstəyinə azı 400 səs lazımdır. Hakim Respublikaçılar Alyansı 600 yerlik parlamentdə 323 yer qazanıb, lakin bu, onun nümayəndəsini seçmək üçün kifayət etməyəcək. Ona görə də spikerin seçilməsi üçün ən azı 301 səs tələb olunduğu halda üçüncü tura ehtiyac yaranacaq”, - agentliyin həmsöhbəti bildirib.

Türkiyə Məclisi sədrinin seçkiləri gizli səsvermə yolu ilə keçiriləcək.


www.anews.az