Məhərrəm ayı iyulun 19-da başlayacaq

2023-cü il Məhərrəm ayı iyulun 19-na, aşura günü isə iyulun 28-nə təsadüf edəcək. Bu barədə Qafqaz Müsəlmanları İdarəsi Qazılar Şurasının yaydığı bəyanatda deyilir.  

"Qafqaz Müsəlmanları İdarəsinin Qazılar Şurası və səlahiyyətli nümayəndələri müsəlman qardaş və bacılarımızın nəzərinə çatdırır ki, AMEA Şamaxı Astrofizika Rəsədxanasının rəsmi hesablamalarına görə Hicri-qəməri təqvimi ilə 1444-cü il başa çatır, yeni 1445-ci ilin başlanğıcı – Məhərrəm ayının 1-i Miladi təqvimlə 2023-cü il iyul ayının 19-na, Aşura günü isə iyul ayının 28-nə təsadüf edir", - açıqlamada qeyd olunub. 

 

Azərbaycanda hər il Məhərrəm ayının Aşura günündə qanvermə aksiyaları həyata keçirilir. Bu il də bir neçə ünvanlarda qanvermə aksilayarı həyata keçiriləcək. 

 

 

Gülnar