Birinci vitse-prezident Mehriban Əliyeva Yay Olimpiya Oyunlarının gümüş mükafatçısı, taekvondoçu Qaşım Maqomedovla öz X hesabında təbrik edib.
"Paris Yay Olimpiya Oyunlarının gümüş mükafatçısı, taekvondoçu Qaşım Maqomedovu səmimi-qəlbdən təbrik edirəm! Gərgin əməyinə, yenilməz iradəsinə və qələbə əzminə görə idmançımıza təşəkkür edir, ona möhkəm cansağlığı və yeni-yeni nailiyyətlər arzulayıram!”, - təbrik mesajında bildirilib.
58 kq çəki dərəcəsində mübarizə aparan Azərbaycan idmançısı Qaşım Maqomedov 1/8 finalda irlandiyalı Cek Uolleylə qarşılaşıb və qələbə qazanaraq 1/4 finala çıxıb.
1/4 finalda o, ispaniyalı Adrian Visenteyə qalib gəlib.
İdmançı yarımfinalda italiyalı Vito Dellakvila ilə qarşılaşıb. Hər iki hissədə rəqibindən üstün olan Maqomedov yekunda qələbə qazanıb - 9:4, 11:1.
Qaşımın finaldakı rəqibi Cənubi Koreyalı Park Taejoon olacaq.
Azərbaycan taekvondoçusu Qaşım Maqomedov Fransanın paytaxtı Parisdə təşkil olunan Yay Olimpiya Oyunlarının final mərhələsində Cənubi koreya təmsilçisi Park Taejoona uduzaraq gümüş medala layiq görülüb.
Aytac
www.anews.az
Bizi sosial şəbəkələrdə izləyin !
