Nazirlər Kabineti Xüsusi karantin rejimi dövründə Azərbaycan Respublikasının ərazisində fəaliyyət göstərən təhsil müəssisələrinin fəaliyyətinin təşkili ilə bağlı əlavə tədbirlər barədə qərar verib. Belə ki, fevral ayının 1-dən Azərbaycanda dərslərin fəaliyyəti yenidən bərpa olunur.
Təhsil eksperti Kamran Əsədov bildirib ki, məktəblərin açılması yenidən yoluxma statistikasını artıra bilər.
Kamran Əsədov son olaraq onu da bildirib ki, uşaqların maska taxması mütləqdir. Çünki onlar aktiv daşıyıcılardır. Məktəblərdə 16.500-dən çox müəllimin risk qrupuna daxildir və bu durumda onların yoluxma riski daha çoxdur. Əgər qaydalara düzgün şəkildə əməl olunsa biz məktəblərin yenidən qapanması ilə bir də rastlaşmayacayıq, – deyə o, bildirib.
Həkim Adil Qeybulla isə fevralın 1-dən məktəblərin açılmasına münasibət olaraq dedi ki, Bakı, Abşeron ərazisində əksər ailələr COVİD-19 virusuna yoluxub. İmunitetin formalaşmasına gətirib çıxaracaq vaksinasiya prosesinin başladığını nəzərə alsaq məktəblərin açılması elə də təhlükəli hal olmayacaq.
Adil Qeybulla onu da qeyd etdi ki, əgər karantin qaydalarına düzgün şəkildə əməl olunarsa yoluxmnın artmasına heç bir təhlükə yaranmayacaq.
Təhsil Nazirliyinin təhsildə məzmun, tədris və qiymətləndirmə şöbəsinin müdiri Vəfa Yaqubova isə bildirib ki, fevralın 1-dən dərslər bərpa olunandan sonra yoluxma çoxalıb kritik həddə çatarsa, V-IX siniflərdə dərslərin açılması yubanacaq, amma vəziyyət stabil olarsa onlar üçün də dərslər açılacaq.
Gülnar Nazimqızı
www.anews.az
Bizi sosial şəbəkələrdə izləyin !