İŞİD-in paylaşdığı edam videolarında Qərb girovlarını öldürən terrorçu "cihadçı Conun" şəxsiyyəti müəyyən edilib.

ANN.Az xəbər verir ki, BBC-nin əldə etdiyi məlumatlara görə "cihadçı Con" kimi tanınan İŞİD üzvü Küveytdə doğulan İngiltərə vətəndaşı Məhəmməd Emvazidir.

Emvazi bir müddətdir ki, İngiltərə təhlükəsizlik qüvvələri tərəfindən axtarışdaymış, lakin adı gizli saxlanılırmış. 2006-ci ildə Somaliyə gedən Emvazi Somali təşkilatı "Əlşabab"la əlaqəli olduğundan İngiltərə kəşfiyyatı tərəfindən axtarışda olub. 

 Emvazi ilk olaraq keçən ilin avqust ayında internetdə paylaşılan bir videoda Amerikalı jurnalist Ceyms Foleyi öldürərkən görüntülənib. O bundan başqa, digər girovların edam səhnələrində də fotokameralara tuş gəlib. Emvazinin Vestminster Universitetində kompüter proqramlaşdırma təhsili aldığı bildirilir.