70-ci illərin “Marlboro Adamı” olaraq tanınan Erik Lavson xroniki ağciyər xəstəliyinə görə 72 yaşında həyatını itirib. Musavat.com yazır ki, Lavson 14 yaşından bəri siqaret çəkirdi. 1978-1981-ci illərdə “Marlboro” markalı siqaretin reklamlarına çəkilən Lavson “Barett”, “San Fransisco” və “Çarlinin Mələkləri” seriallarında da rol almışdı. 14 yaşından bəri siqaret çəkən Lavsonun həyat yoldaşı Sara “siqaretin ona zərər verdiyini bilirdi, lakin vaz keçə bilmirdi” deyib. “Marlboro Adam” adı ilə tanınan aktyorun 6 uşağı və 18 nəvəsi var. ANN.Az