“Messi haqda iddialar absurddur”

"Bavariya"nın prezidenti Karl Haynz Rummenige yay transferi dönəmində "Barselona"nın futbolçusu Lionel Messinin komandaya gətirmək üçün 250 milyon avroluq təklif göndərmələri ilə bağl yayılan xəbərlərə münasibət bildirib.Qol.Az-ın Almaniya mətbuatına istinadən verdiyi məlumata görə, bu iddiaları təkzib edən klub rəsmisi deyib ki, heç vaxt bir transfer üçün bu qədər məbləğ ödəməzlər: "Bu xəbərlər absurddur. Heç vaxt bu qədər pul verərək komandaya futbolçu gətirmərik". Rummenige hesab edir ki, Kataloniya klubu Messini heç vaxt satmayacaq: "Barsa"nın prezidenti Sanrdo Roselli çox yaxşı tanıyıram. O, Messini heç vaxt satmayacaq.  Argentinalı hücumçu üçün də ən yaxşısı futbolçu karyerasını orada başa vurmaqdır".ANN.Az