Metrodakı nasazlıqla bağlı sabah xüsusi araşdırma iclası keçiriləcək - Yenilənib
04.12.2024 23:42
Bakı metrosunda qatardakı texniki nasazlıqla bağlı sabah komissiyanın xüsusi araşdırma iclası olacaq.Bu barədə "Bakı Metropoliteni” Qapalı Səhmdar Cəmiyyətinin mətbuat katibi Bəxtiyar Məmmədov bildirib.
O, qeyd edib ki, mövcud vəziyyətin aidiyyəti şöbələrin rəhbərliyi ilə müvafiq araşdırılması aparılacaq.
Bəxtiyar Məmmədov xatırladıb ki, bugünkü sıxlığın tənzimlənməsi bir saat davam edib:
"Qatarın nasazlığı 18.20-də, yəni sərnişinlərin ən sıx vaxtında müşahidə olunub. "28 May” həmin vaxt Bakı metrosunun ən sıx stansiyalarından biri olur. Bu zaman sərnişinlərin düşürülməsi səkkiz dəqiqəyə yaxın vaxt aparıb”.
19:14
Bakı metrosunda "yaşıl xətt” - "Əhmədli-Dərnəgül” marşrutu üzrə hərəkət edən qatar nasazlıq ehtimalı ilə xətdən çıxarılıb.
Metropolitendən verilən məlumata görə, yaranmış vəziyyətdə sərnişin sıxlığı səbəbilə platformaların ifrat həddə yüklənməsinə yol verməmək məqsədilə zəruri tədbirlər görülür.
Hazırda "28 May" və "Elmlər Akademiyası" stansiyalarında tənzimlənmə və təhlükəsizlik tələblərinin təmin olunması üçün girişlərdə nəzarət-buraxılış tədbirləri gücləndirilib.
Texniki nasazlıq müəyyən edilmiş qatar xətdən çıxarılıb. Əvəzinə xəttə qatar verilib.
18:34
Bakı metrosunda "yaşıl xətt” - "Əhmədli-Dərnəgül” marşrutu üzrə hərəkət edən qatar "28 may” stansiyasında ikən maşinist nasazlıq ehtimalı ilə qatara sərnişinsiz baxış keçirilməsini tələb edib. Bu səbəbdən "28 may” stansiyasında sərnişinlər düşürülüb.Bu barədə "Bakı Metropoliteni” QSC-dən məlumat verilib.
www.anews.az
Son xəbərlər 
Daha çox
Foto 
Video 
