Mikayıl Cabbarov xarici avtomobil istehsalçıları ilə əməkdaşlıq müzakirəsi edib

Azərbaycanın iqtisadiyyat naziri Mikayıl Cabbarov xarici aparıcı avtomobil istehsalçıları ilə əməkdaşlıq məsələlərini müzakirə edib. Bu barədə nazir tvitter hesabında paylaşıb.

"General Motors" (GM) şirkətinin vitse-prezidenti Coni Saldana, "UNO MİNDA" (Unomindacom) şirkətinin rəhbəri Nirmal Kumar Minda (MindaNirmal), "Uzavtosanoat" SC-nin İdarə Heyətinin sədri Şavkat Umurzakov ilə görüşdə birgə əməkdaşlıq barədə fikir mübadiləsi apardıq", - əlavə edib.

 

Dövlət Gömrük Komitəsinin məlumatı görə, 2022- ci ildə xaricdən Azərbaycana ümumi dəyəri 369,5 milyon dollar olan 28 681 ədəd avtomobil gətirilib. 

Ötən ilin eyni dövrü ilə müqayisədə ölkəyə gətirilən maşınların sayı 2500 ədəd azalıb. Əvəzində 2022- ci ildə daha bahalı avtomobillər gətirilib.

 

Belə ki, ötən ilin eyni dövründə ölkəyə ümumi dəyəri 318,1 milyon dollar olan 31 220 ədəd avtomobil gətirilmişdi. 

2022- ci ildə xaricdən gətiridən avtomobillərin 292-si avtobuslardır. Ötən illə müqayisədə avtobusların sayı təqribən 6 dəfə artıb (ötən il 51 ədəd idi). 

Ötən il hibrid və elektrik avtomobillərin idxalında kəskin artım olub. 
Elektrik avtomobillərinin sayı isə 4,5 dəfə artaraq ötənilki 29 ədəddən, bu il 130 ədədə yüksəlib. 

 

Aytac