“Albert döyüşəndə bu gün onun barəsində pis yazanlar analarının donları arxasında gizlənmişdilər”.Milli Qəhrəmanın qardaşı Rantik Aqarunov məsələyə münasibət bildirib.ANS PRESS Vesti.Az-a istinadən xəbər verir ki, Azərbaycanın Milli Qəhrəmanı Albert Aqarunovun İsrailin Akko şəhərində yaşayan ailəsi "Facebook" sosial şəbəkəsindəki bəzi istifadəçilərin fikirlərindən dərin narahatlıq hissi keçirir.Xatırladaq ki, ötən həftə Facebook sosial şəbəkəsində Azərbaycanın Milli Qəhrəmanı Albert Aqarunov haqqında yəhudinin şəhid adlandırıla bilməyəcəyi barədə təhqiramiz ifadələr yer almışdı.“Yəhudidən şəhid olar? Yalnız müsəlmanlar şəhid ola bilərlər. Bu isə cəhənnəmdə yanacaq” – Azərbaycan ictimaiyyətində kəskin narazılıq doğurmuş fikirlərdən biri belədir (www.minval.az). Təəssüf ki, dövlətimizin düşmənləri bu imkandan dərhal istifadə ediblər və ayrı-ayrı Facebook istifadəçilərinin fikirlərini bütün Azərbaycan xalqının adına yazıblar.Milli Qəhrəmanın qardaşı Rantik Aqarunov məsələyə münasibət bildirərkən, aşağıdakıları deyib:“Facebook sosial şəbəkəsində Albertin ünvanına təhqiramiz ifadələrin yayılması barədə məlumatı təsadüfən aldım. Bu sadəcə çox hiddətləndirici haldır! Biz Albertin ünvanına təhqiramiz ifadələri yayanların məsuliyyətə cəlb olunması üçün Azərbaycan rəhbərliyi və Milli Təhlükəsizlik Nazirliyinə müraciət etmək niyyətindəyik. Bundan başqa, biz baş verənləri aydınlaşdırması üçün STMEQİ Dağ yəhudilərinin mədəniyyəti və ənənələrinin qorunması beynəlxalq xeyriyyə fonduna müraciət etmişik”, - deyə, Rantik Aqarunov bildirib.Milli Qəhrəmanın qardaşı erməni mətbuatındakı təxribat xarakterli materiallara da toxunub:“Erməni KİV Facebook-dakı yazılardan Azərbaycanı pisləmək üçün istifadə etməyə tələsiblər. Onlar, hətta mənim anamın bu sözlərdən sonra öldüyünü də yazıblar. Belə səhv düşüncəli insanların kompüterdən istifadəni bacarmayan yaşlı qadının ölümünün Facebook-dakı yazılarla nə əlaqəsi olmasını anlaması çox çətindir”, - deyə, R.Aqarunov vurğulayıb. Albertin döyüşdüyü əfsanəvi “Səbayıl” tank taborunun komandiri Hacı Əzimov da öz narahatlığını bildirib.“Albert Vətən uğrunda döyüşüb. Vətən uğrunda ölən istənilən şəxs şəhid sayılır. Albertin cəsədini torpağa tapşıranda molla və ravvin eyni vaxtda dua oxuyurdular. Albert döyüşən vaxtda indi onun haqqında mənfi yazılar yazanlar analarının donu arxasında gizlənmişdilər. Şəhid bu gün Suriyaya gedib döyüşən, orada kimə və nəyə görə ölməsi bəlli olmayan şəxslər deyil. Şəhid torpağı və ailəsi uğrunda döyüşdə həlak olandır. Əgər həmin şəxslər belə cəsarətlidirlərsə, qoy bizimlə, Albertin döyüş yoldaşları ilə görüşsünlər və öz iddialarını üzümüzə desinlər”, - deyə, H.Əzimov vurğulayıb.ANN.Az