Mina xəritələrin verilməsi üçün Ermənistana təziq olunmalıdır - Səbinə Əliyeva
03.04.2024 11:03
Beynəlxalq ictimaiyyət dəqiq mina xəritələrin Azərbaycana verilməsi üçün Ermənistana ciddi təziq etməlidir. Bunu Ombudsman Səbinə Əliyeva ötən gün işğaldan azad olunmuş ərazilərdə 4 nəfərin minaya düşməsi ilə bağlı hadisəyə münasibət bildirərkən deyib.
www.anews.az
"Beynəlxalq ictimaiyyət Ermənistanın mina terroruna səssiz qalmamalı, dəqiq mina xəritələrinin Azərbaycana təqdim edilməsi üçün bu ölkəyə ciddi təzyiq göstərməlidir", - deyə Ombudsman vurğulayıb.
Bir gün əvvəl Tərtərdə 3 nəfər və Ağdamda bir nəfər mina qurbanı olub.
İkinci Qarabağ Müharibəsindən sonra işğaldan azad olunmuş ərazilərdə 350 nəfər minaya düşərək müxtəlif bədən xəsarətləri alıb.
Azərbaycan ərazilərinin minalanmasına görə dünyada ilk 10-luqda, Avropada isə ilk 3-lükdə qərarlaşıb.
Mayın sonunda Zəngilanda və Bakıda "Minaların ətraf mühitə təsirinin azaldılması - Təhlükəsiz və yaşıl gələcək üçün resursların səfərbər olunması” mövzusunda beynəlxalq konfrans keçirilməsi gözlənilir.
Gülnar Nazimqızı
www.anews.az
Son xəbərlər 
Daha çox
Foto 
Video 
