Rəsmi Ankara "Mozart” konteyner gəmisinin heyətinin üzvü olan Türkiyə vətəndaşlarının quldurların əsirliyindən azad edilməsi üçün bir sıra ölkələrlə bütün lazımi danışıqlar aparır.
Bu barədə Türkiyə xarici işlər naziri Mövlud Çavuşoğlu "NTV” telekanalının efirində bildirib.
Çavuşoğlu xatırladıb ki, "Mozart” xarici gəmi sahibinə məxsusdur, lakin onun ekipajı Türkiyə şirkəti tərəfindən verilib.
"Yəni gəmi Türkiyə şirkətinə məxsus deyil. Ekipaj üzvlərinin 19-u etnik türklər, biri Azərbaycan vətəndaşıdır. Sonuncu təəssüf ki, həlak olub”, - nazir deyib.
Çavuşoğlu bildirib ki, azərbaycanlı həmkarı Ceyhun Bayramovla sözügedən insidenti müzakirə edib.
"Ölənin meyiti Türkiyə vasitəsilə Azərbaycana gətiriləcək. Hər iki ölkənin XİN və konsulluq şöbələri məsələ üzərində işləyirlər”, - deyə nazir qeyd edib.
Onun sözlərinə görə, "Mozart” gəmisi Qabon limanına daxil olan kimi azərbaycanlı mühəndis Fərman İsmayılovun cənazəsinin Vətəninə göndərilməsi istiqamətində tədbirlər görüləcək.
www.anews.az
Bizi sosial şəbəkələrdə izləyin !