Mürsinin yeni məhkəmə prosesi bu gün başlayacaq

Misirin devrilmiş prezidenti Məhəmməd Mürsinin yeni məhkəmə prosesi bu gün başlayacaq. ANS PRESS-in Rusiya mətbuatına istinadən verdiyi məlumata görə,eks prezident və onun 35 nəfər silahdaşı haqqında casusluq işi üzrə birinci məhkəmə iclası bu gün səhər Qahirədə baş tutacaq. 

Araşdırmalara görə, Məhəmməd Mürsi və bir sıra “Müsəlman qardaşları” assosasiyasının yüksəkvəzifəli üzvləri “bir sıra xarici ölkə və təşkilatlar üçün casusluq”la məşğul olub. 

Bundan başqa onlar ölkədə terror hazırlayan ekstremist qrupların fəaliyyətini əlaqələndirib. Mürsi ilə birlikdə məhkəmə iclasında daha 20 nəfər, o cümlədən “Müsəlman qardaşları” hərəkatının lideri Muhamməd Badia da mühakimə olunacaq. Məhkəmə iclası birbaşa dövlət televiziyası ilə yayımlanacaq. 

Günahkar olan daha 15 nəfər hüquq muhafizə orqanlarından gizlənir və ölkə xaricindədir.

ANS PRESS