Müəllim adı qanunvericiliklə mühafizə olunmalıdır - Deputat
03.02.2025 12:37
Qanunvericilik səviyyəsində müəllim adı mühafizə olunmalıdır. Bunu Milli Məclisin deputatı Bəhruz Məhərrəmov deyib.
"Kənd məktəbində iki müəllimin mübahisəsi, yaxud hansısa bir müəllimin hər hansı pozuntu törətməsinin media səhifələrində yayımlanması bu cəmiyyətə heç nə vermir, amma müəllim kimliyini yerlə yeksan edir. Bəli hansısa müəllim fəaliyyətində nöqsana yol verirsə aidiyyatı məsuliyyətini daşımalıdır, lakin, yerində, belə məsələləri ictimailəşdirib müəllimə ehtiram ənənələrinin dağılmasına yol vermək olmaz. Bu mənada hesab edirəm ki, artıq qanunvericilik səviyyəsində müəllim adının mühafizəsi təmin oilunmalıdır", - deputat bildirib.
Məhərrəmov vurğulayıb ki, zamanında Heydər Əliyev ən yüksək adı müəllimə verib və buna görə də məktəblərdə baş verən hadisələrin sosial mediada yayılması yaxşı nəticələrə gətirmir.
"Problemlər bütün sahələrdə var, o cümlədən problemli sinifə buraxılmalı olmayan insanlar müəllimliyə yol tapa bilir, amma bu problemlər yerində həllini tapmalıdır, bir -iki problem fonunda müəllum kultunu zədələməməliyik", - o söyləyib.
www.anews.az
Oxşar xəbərlər
Oxşar xəbərlər
Foto 
Video 
