Azərbaycanın ən sərfəli və regional inkişafyönümlü mobil operatoru olan "Nar” Gəncədə mobil rabitə laboratoriyası açıb. Laboratoriya Azərbaycan Texnologiya Universiteti (ATU) ilə birgə yaradılıb.
Açılış mərasimində "Nar”ın baş direktoru Qunnar Pahnke qeyd edib: "Bu laboratoriya "Nar”-ın regionlara dəstək öhdəliyinin növbəti təsdiqidir. Texnoloji tərəqqi ilə ayaqlaşan şirkət olaraq, "Nar”-ın regionlarda yerli mütəxəssislərin hazırlanmasına yatırdığı investisiyalar Azərbaycanda telekommunikasiya sənayesinin inkişafına verdiyimiz töhfənin bir hissəsidir”.
Azərbaycan Texnologiya Universitetinin rektoru vəzifəsini icra edən dosent Yaşar Ömərov "Nar”a minnətdarlığını bildirib: "Universitetimiz yüksək ixtisaslı mütəxəssislər hazırlamağa çalışır və "Nar”ın öz təcrübəsini bölüşmək istəyi bu məqsədə çatmaqda əsas rol oynayır. Özəl şirkətlərin dəstəyi sayəsində tələbələrimiz öz sahələrinin peşəkarı kimi məzun ola biləcəklər”.
Qeyd edək ki, yerli İT mütəxəssislərinin hazırlanması çərçivəsində "Nar” həm Bakıdakı Azərbaycan Texniki Universiteti, həm də Gəncədəki Azərbaycan Texnologiya Universiteti ilə əməkdaşlıq edir. Bu əməkdaşlığın nəticəsidir ki, artıq hər iki universitetdə "Nar” mobil rabitə laboratoriyaları fəaliyyət göstərir.
www.anews.az
Bizi sosial şəbəkələrdə izləyin !
