Naxçıvan iqtisadiyyatı 2 %-dən çox böyüyüb

13:23 | 11.06.2024
Naxçıvan iqtisadiyyatı 2 %-dən çox böyüyüb

Naxçıvan iqtisadiyyatı 2 %-dən çox böyüyüb

2024-cü ilin yanvar-mayında Naxçıvan Muxtar Respublikasında ümumi daxili məhsul istehsalı 535 milyon 488 min 900 manat olub. Bu da ötən ilin göstəricidən 2,2 % çoxdur.Bu barədə  Naxçıvan Dövlət Statistika Komitəsindən məlumat verilib.


Bu dövr ərzində əhalinin hər nəfərinə düşən ümumi daxili məhsul istehsalı 1,6 % artaraq 1 141,8 manat olub.

Cari ilin yanvar-mayında muxtar respublikada 212 milyon 239 min manatlıq sənaye məhsulu istehsal edilib ki, bu da 2023-cü ilin müvafiq dövründəki göstəricini 7,2 % üstələyib.

Sənaye məhsulunun 189 milyon 78 min 600 manatı və ya 89,1 %-i malların, 23 milyon 160 min 400 manatı və ya 10,9 %-i isə xidmətlərin payına düşüb.
 
2024-cü ilin 3 ayında Naxçıvan İqtisadiyyat Nazirliyi yanında Dövlət Vergi Xidmətinin xətti ilə büdcəyə daxil olan vergi ötən ilin eyni dövrü ilə müqayisədə 24,8% və ya 9,1 milyon manat artaraq 45,8 milyon manat təşkil edib.
 
2024-cü ilin martın 1-nə Naxçıvan Muxtar Respublikasında aktiv vergi ödəyicilərinin sayı ilin əvvəli ilə müqayisədə 9,2 % artaraq 16 935 olub.


2024-cü ilin yanvar-martında Naxçıvanda ümumi daxili məhsul istehsalı (ÜDM) 318 milyon 794 manat olub, bu da ötən ilin eyni dövrü ilə müqayisədə 2,9% çoxdur.
 
Ölkədə Ümumi Daxili Məhsul istehsalı 2026-cı ildə 1,2 dəfə artım olacağı gözlənilir.
 
Mərkəzi Bankın məlumatına görə, 2025-ci ildə Azərbaycanda inflyasiya 5,4 % olacağı proqnozlaşdırılır.
 
Aytac

www.anews.az
0
Bizi sosial şəbəkələrdə izləyin !

REKLAM

Xəbər lenti