Naxçıvanda vergi daxilolmalar 9,1 mln manat artıb

14:02 | 06.04.2024
Naxçıvanda vergi daxilolmalar 9,1 mln manat artıb

Naxçıvanda vergi daxilolmalar 9,1 mln manat artıb

2024-cü ilin yanvar-martında Naxçıvan İqtisadiyyat Nazirliyi yanında Dövlət Vergi Xidmətinin xətti ilə büdcəyə daxil olan vergi ötən ilin eyni dövrü ilə müqayisədə 24,8% və ya 9,1 milyon manat artaraq 45,8 milyon manat təşkil edib. Bu barədə İqtisadiyyat Nazirliyi yanında Vergi Xidməti məlumat yayıb. 
 
Cari ilin birinci rübündə Naxçıvanda vergi daxilolmaları üzrə proqnoz 116,1 faiz icra edilib.
 
2024-cü ilin martın 1-nə Naxçıvan Muxtar Respublikasında aktiv vergi ödəyicilərinin sayı ilin əvvəli ilə müqayisədə 9,2 % artaraq 16 935 olub.

Hesabat dövründə aktiv ƏDV ödəyicilərinin sayı 10,3 % çoxalaraq 472 təşkil edib.

Aktiv obyektlərin (təsərrüfat subyektlərinin) sayı isə ilin əvvəli ilə müqayisədə 4 % artaraq 5 541-ə çatıb.
 
2023-cü ildə Naxçıvanda 1 milyard 552 milyon manat dəyərində ümumi məhsul istehsal olunub. 
 
Ötən il Naxçıvanda orta aylıq əməkhaqqı 689 manat təşkil edib.
 
Aygün Mirakif

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb