Nazir Əhəd Aslanovu təqaüdə göndərib

Fövqəladə hallar naziri general-polkovnik Kəmaləddin Heydərov "Əməkdar həkimi" təqaüdə göndərib. 

Qaynarinfo-nun məlumatına görə, nazirin müvafiq əmri ilə Aslanov Fikrət Əhəd oğlu FHN-nin nəzdində "İzotop" xüsusi kombinatının direktoru vəzifəsindən azad edilib. 

Fikrət Aslanov 2020-ci ilin dekabr ayında ölkə başçısının müvafiq sərəncamı ilə "Əməkdar həkim" fəxri adına layiq görülüb. 

"İzotop" xüsusi kombinatı radioaktiv mənbələrin və tullantıların qəbulu, zərərsizləşdirilməsi, uzunmüddətli saxlanılması və basdırılması, radioaktiv mənbələrin, materialların və radioizotoplu cihazların nəqli, xüsusi geyimlərin və fərdi mühafizə vasitələrinin dezaktivasiyası, ərazilərdə, təşkilatlarda və radiasiya qurğularını istismar edən müəssisələrdə radioloji monitorinq və dezaktivasiya, radioekoloji monitorinq üzrə fəaliyyət göstərir.

www.anews.az