Nazir müavini Qarabağda çalışan sahibkarların nöqsanlarını açıqlayıb

10:45 | 05.07.2024
Nazir müavini Qarabağda çalışan sahibkarların nöqsanlarını açıqlayıb

Nazir müavini Qarabağda çalışan sahibkarların nöqsanlarını açıqlayıb

Sahibkarların Qarabağda işçi qüvvəsi cəlb edərkən onlarla həmin gün əmək müqaviləsi bağlaması vacibdir. Bunu Əmək və Əhalinin Sosial Müdafiəsi nazirinin müavini Anar Əliyev deyib.

"Biz Qarabağda davamlı monitorinqlər keçiririk. Uyğunsuzluqlar olduqda xəbərdarlıq edirik. Çox istərdik ki, işçi qüvvəsi cəlb edilən zaman əmək müqaviləsini tez bir zamanda təmin etsinlər. Dəfələrlə qanuna əməl etməyən şəxslərə qarşı tədbirlər görməyə məcbur olmuşuq. Sahibkarlar vaxtında əmək müqaviləsi bağlamalıdır",- nazir müavini iyulun 5-də Əmək və Məşğulluq Münasibətlərinin Tənzimlənməsi adlı tədbirdə deyib.

Nazir müavini söyləyib ki, 2024-cü ilin ilk altı ayında 84 mindən çox şəxs işlə təmin olunub, onun da 80%-i özəl sektorun payına düşüb.

Anar Əliyev vurğulayıb ki, yaxın zamanlarda məşğulluq sahəsində yeniliklər olacaq. İşsizlik və işəgötürənlərlə bağlı sistem təkmilləşdirilmələrinin olması gözlənilir. 

Gülnar Nazimqızı

www.anews.az
0
Bizi sosial şəbəkələrdə izləyin !

REKLAM