Nazir: "Müəllimlərin sertifikasiyası kimisə işdən çıxarmaq məqsədi daşımır"

"Bu il 12 bölgədə 13 imtahan mərkəzində olmaqla müəllimlərin işə qəbulu keçiriləcək”.

Anews.az xəbər verir ki, bunu Təhsil naziri Emin Əmrullayev deyib.

Onun sözlərinə görə, hər il 7000-8000 müəllimliyə namizəd işlə təmin olunur: "Təhsilin keyfiyyətini qaldırmaq üçün savadlı müəllimlərin işə qəbuluna üstünlük verilir. Bu il müəllimlərin sertifikasiya imtahanının keçirilməsində israrlıyıq. Azərbaycanda 20 yaşlarından başlayaraq müəllimlər işləməyə başlayır. 40 yaşlarına qədər bu işə davam edirlər. İbtidai sinif müəllimləri ortalama 250 şagirdə bilik verir. Bu baxımdan sertifikasiya zamanı səriştəli müəllimlərin aşkar olunması əsas məqsədlərdəndir”.