Təhsildə ən vacib məsələlərdən biri məzmunun dəqiq və düzgün müəyyənləşdirilməsidir. Trend-in məlumatına görə, bunu Təhsil Nazirliyinin Məktəbəqədər və ümumi təhsil şöbəsinin müdiri Aydın Əhmədov İsmayıllı rayonu Heydər Əliyev Mərkəzində "Azərbaycan Respublikasında təhsilin inkişafı üzrə Dövlət Strategiyası" çərçivəsində təhsil işçiləri üçün keçirilən "dəyirmi masa"da bildirib.Şöbə müdiri qeyd edib ki, "Azərbaycan Respublikasında təhsilin inkişafı üzrə Dövlət Strategiyası"nda təhsil proqramlarının (kurrikulum) təkmilləşdirilməsi, yeniləşməsi nəzərdə tutulur.Onun sözlərinə görə, Azərbaycanın ümumtəhsil sistemində məzmun islahatları 1999-cu ildən başlayıb, 2004-cü ildə bu özünün yüksək səviyyəyə çatıb, 2008-2009-cu ildən bu məzmun proqramlar şəklində məktəblərdə tədris olunur.A.Əhmədov bildirib ki, Dövlət Strategiyasında məktəbəqədər hazırlıq məsələsinə də xüsusi diqqət ayrılıb. Onun sözlərinə görə, "Təhsil haqqında" Qanunda məktəbəqədər hazırlıq zəruri hesab olunurdusa, Dövlət Strategiyasında bu məsələ məcburi xarakter daşıyır: "Məktəbəqədər hazırlığın təşkili uşaq bağçalarında həyata keçirilir. Düşünürük ki, məktəbəqədər hazırlıq mərhələsini məktəblərdə də təşkil etmək olar".ANN.Az