Neft Fondundakı pullar hara xərclənib? - AÇIQLAMA

Qaçqın və məcburi köçkünlərə 300 milyon manat pul sərf olunub.2013-cü il ərzində Azərbaycanın Dövlət Neft Fondunun (SOFAZ) gəlir və xərclərinə dair məlumat açıqlanıb.Oxu.Az xəbər verir ki, bu barədə məlumat SOFAZ-ın rəsmi saytında yer alıb.Məlumata görə, hesabat dövrü ərzində SOFAZ dövlət büdcəsinə 11 milyard 350 milyon manat vəsait köçürüb.Transferlərdən qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 300 milyon manat, Samur-Abşeron suvarma sisteminin yenidən qurulmasına 173,9 milyon manat vəsait ayrılıb. Məlumatda qeyd olunur ki, SOFAZ həmçinin bir neçə dövlət layihə və proqramlarına görə vəsait  ayırıb.Bunların sırasında “Bakı-Tbilisi-Qars yeni dəmir yolu” layihəsinin maliyyələşdirilməsi olub. Bu məqsəd üçün Neft Fondundan 25,7 milyon manat vəsait ayrılıb.33 milyon manat vəsait “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın maliyyələşdirilməsinə yönəldilib.“Star” neft emalı kompleksinin tikintisinə 372,6 milyon manat vəsait sərf edilib.Hesabata görə, 2013-cü il ərzində Neft Fondunun idarə edilməsi ilə bağlı xərcləri 47,5 milyon manat təşkil edib.ANN.Az