"Neftçi”nin iki azarkeşi inzibati qaydada həbs olunub, daha ikisi isə cərimələnib.Bu barədə DİN-in Mətbuat Xidmətindən bildirilib.

"Paytaxtın Xətai rayonunda yerləşən "Neftçi” futbol klubunun bazasına klubun bir qrup azarkeşinin hücum etməsi ilə bağlı yayılan məlumat araşdırılıb. Polis əməkdaşları tərəfindən ictimai asayişi pozan şəxslər - Dadaşov Arif, Quliyev Ceyhun, Rzayev Vasif və Nəzərov Sabir müəyyən olunaraq saxlanılıblar. 

Onlar barəsində toplanmış materiallar baxılması üçün məhkəməyə göndərilib. Məhkəmənin qərarı ilə Arif Dadaşov 30, Ceyhun Quliyev 15 sutka inzibati qaydada həbs olunublar, digər 2 nəfər isə cərimə edilib”.