Növbəti il məktəbəqədər təhsilə 19,2 milyon manat xərclənəcək
20.11.2024 15:05
2025-ci il icma əsaslı məktəbəqədər təhsilə 35 min uşağın cəlb edilməsi üçün dövlət büdcəsindən 19,2 milyon manat vəsait xərclənəcək ki, bu da cari illə müqayisədə 6 milyon çoxdur. Bunu elm və təhsil naziri Emin Əmrullayev Milli Məclisin Aqrar siyasət, Ailə, qadın və uşaq məsələləri, Elm və təhsil komitələlərinin birgə iclası zamanı deyib.
Nazir bildirib ki, 5 yaşlı uşaqların təhsilə cəlb edilmə səviyyəsi 87%-ə çatdırılıb.
"Növbəti ildə icma əsaslı məktəbəqədər təhsilə 35 min uşağın cəlb edilməsi nəzərdə tutulub. Bu məqsədlə dövlət büdcəsindən növbəti il üçün 19,2 milyon manat vəsait nəzərdə tutulub ki, bu da cari illə müqayisədə 6 milyon manat çoxdur", - Əmrullayev bildirib.
Həyata keçirilən tədbirlər nəticəsində məktəbəqədər təhsilə cəlb olunmuş uşaqların 1-5 yaşlı uşaqların sayına nisbətdə əhatə səviyyəsi növbəti ildə 40%-ə çatdırılması gözlənilir.
Gülnar Nazimqızı
www.anews.az
Oxşar xəbərlər
Oxşar xəbərlər
Foto 
Video 
