“Onlar Bizə Əmanətdir” layihəsi çərçivəsində şəhid övladlarına hədiyyələr təqdim edilib
10.01.2025 15:01
Qırmızı Ürəklər Fondu cəmiyyətimiz üçün həssas
və vacib mövzularda təşəbbüslərini davam etdirir. Ənənəsinə sadiq qalan Fond
"Onlar Bizə Əmanətdir” layihəsi çərçivəsində növbəti dəfə şəhid övladlarını
sevindirib. Yeni il və Dünya Azərbaycanlılarının Həmrəyliyi Gününə həsr edilən layihə
paytaxt Bakı da daxil olmaqla ölkənin bütün regionlarını əhatə edib. Layihə çərçivəsində
16 yaşadək olan 1800-ə yaxın şəhid övladına bayram hədiyyələri təqdim edilib.
Şəhid övladlarının siyahısının
hazırlanması yerli icra hakimiyyəti orqanlarının, hədiyyələrin onlara
çatdırılması isə fondun könüllüləri ilə yanaşı "Azərpoçt”un dəstəyi ilə baş
tutub. Layihənin həyata keçirilməsində "Kapital Bank”, "PMD Group”, "PashaPay”,
"PASHA Investments”, "PASHA Technology”, "PASHA Life” və "PASHA Bank” kimi
nüfuzlu tərəfdaşlar iştirak ediblər.
4 ildir davam edən "Onlar Bizə Əmanətdir”
layihəsinin əsas məqsədi Azərbaycanın ərazi bütövlüyü uğrunda canından keçən şəhidlərimizin
övladlarına mənəvi dəstək göstərmək, onlara cəmiyyətin diqqət və qayğısını hiss
etdirməkdir.
Qeyd edək ki, "Red Hearts” – Qırmızı Ürəklər Fondu 2019-cu ildə Kapital Bank-ın könüllü əməkdaşlarının təşəbbüsü ilə yaradılıb. 2020-ci ildə dövlət qeydiyyatına alınan Fond ölkəmizdə ianəçilik mədəniyyətinin formalaşmasına xidmət edir. Ətraf mühitin mühafizəsi, ekoloji tarazlığın bərpası, təhsil, təlim-tədris, maarifləndirmə kimi cəmiyyətin həssas və vacib mövzularına dair sosial təşəbbüslərlə çıxış edən "Red Hearts”ın ali məqsədi yardımsevər insanları xeyriyyəçilik mədəniyyəti ətrafında birləşdirməkdir. Fondun fəaliyyəti ilə ətraflı tanış olmaq və ianə edərək sözügedən mövzularda dəstək olmaq üçün https://redhearts.az saytına daxil olmaq kifayətdir.
www.anews.az
Oxşar xəbərlər
Oxşar xəbərlər
İqtisadiyyat
17:40
Azərbaycanda turoperatorlar ölkəyə gətirdikləri əcnəbi turistlərə görə subsidiya alacaqlar
İqtisadiyyat
15:05
Rusiya buğdası yenidən Azərbaycan üzərindən Ermənistana daşındı — Tranzit statistikası
Foto 
Video 
