Yaxın gələcəkdə respublikada sifariş üçün mövcud olan malların çeşidi 10 dəfədən çox genişləndiriləcəkdir. Şirkət həmçinin ölkədə logistika infrastrukturunu - anbar komplekslərini, özünün çatdırılma xidmətini və françayzinq çərçivəsində sifarişlərin qəbulu və verilməsi üçün brend məntəqələr şəbəkəsini inkişaf etdirməyi planlaşdırır.

"Azərbaycan elektron ticarətin artım templərinə görə ən dinamik inkişaf edən ölkələrdən biridir. Biz respublikada yerli sakinlərə 370 milyon məhsuldan istənilən birini ən yaxşı qiymətə, sürətli və rahat çatdırılma ilə sifariş etmək imkanı təklif etmək üçün biznesə başlayırıq. Əminik ki, bazarımız təkcə yerli sakinlər üçün alış-verişin keyfiyyətini artırmayacaq, həm də gələcəkdə yerli sahibkarların inkişafı üçün platformaya çevriləcək”, - "Ozon” şirkətinin MDB-də Əməliyyatlar və İnkişaf üzrə direktoru Aleksey Sapon bildirib.

Gələcəkdə şirkət yerli sahibkarları platformada satışa cəlb etməyi və Azərbaycandan Rusiya və digər MDB ölkələrinə mal axınını həyata keçirməyi planlaşdırır.

Ozon 2021-ci ildən MDB-də biznesini inkişaf etdirir; şirkətin artıq Belarus, Ermənistan, Qazaxıstan, Qırğızıstan və Özbəkistanda biznes və logistika infrastrukturu var.